Individuell leiarutvikling og vegleiing
Ein leiarutviklingsprosess er meir enn fagleg kompetanseheving. Leiarkraft byggjast innanfrå, og godt leiarskap startar med ein trygg indre kjerne. For å verkeleg oppleve seg stødig og robust i leiarrolla, er det viktig å kjenne seg sjølv og å ta eit steg til sida og reflektere over eige leiarskap:
- Kven er eg – og kven er eg som leiar?
- Kva er mine styrker og mogelegheiter?
- Kva er mine utfordringar og utviklingsområde?
- Kva fungerer, og kva treng eg endra eller utvikle?
I individuelle samtalar legg me til rette for at deltakaren skal oppnå større forståing for eigne og andre sine tankemønster, avgjerder og kommunikasjon, slik at du mellom anna oppnår:
- Meir sjølvinnsikt og betre evne til sjølvleiing – og dermed betydeleg betring i utføring av eige arbeid, både når det gjeld motivasjon, effektivitet og måloppnåing.
- Styrka kapasitet og evne til å handtera krevjande kvardagar og krevjande situasjonar
- Kunnskap om stressmeistring og god grensetjing, slik at ein kan disponera tid og krefter hensiktsmessig.
- Auka forståing for korleis ein skal leggja til rette for godt samarbeid og samspel
- Kunnskap om metodar som fremjar effektiv kommunikasjon og høg motivasjon
- Å stå fram som ein trygg, tydeleg og tillitsskapande leiar
I forkant av prosessen gjennomfører me ein kartleggingssamtale, og med utgangspunkt i deltakaren sine behov og ønske, legg me deretter opp eit personleg tilpassa prosessforløp – både når det gjeld innhald og omfang
Enkelttimar
Me tilbyr også enkelttimar. Dette vera ei god løysing dersom ein står i konkrete utfordringar som ein ønsker å drøfta med ein mentor med tanke på å finna gode løysingar og ein god veg vidare. Dette kan til dømes vera saker knytt til utfordrande avgjerder, konfliktar, gjennomføring av «den vanskelege samtalen» – eller korleis ein skal skapa motivasjon og retning i ei konkret sak.
